წრებრუნვის თეორია,ანუ ჩვენი მწარე რეალობა!

რამდენიმე დღის წინ ინტერნეტ სივრცეში ამ ფოტოს ^ წავაწყდი. ერთი შეხედვით უბრალო,მონოტონურ ფერებში გადაწყვეტილი ჩანახატი უფრო ღრმა აღმონდა ვიდრე მეგონა. დიდი ხანი ვაკვირდებოდი მას, შევიცანი,გავაანალიზე და ცხოვრების მძიმე რეალობას დავეჯახე.რეალობა კი მკაცრია, ცივი, უგრძნობი და მას ვერსად დავემალებით.
სურათზე ადამიანთა უმრავლესობის ტიპიური ცხოვრებაა ასახული.იგი ექვს ყველაზე აღქმად,ბედნიერ და მტკივნეულ ეპიზოდადაა დაყოფილი.
პირველ ეპიზოდში ადამიანთა ურთიერთობის საწყისებია აღწერილი.რომლებიც წმინდა და ჰაერივით გამჭვირვალეა, იმ ჰაერივით რომელიც მილიარდობით სულიერს ასაზრდოებს და ულევია.ეს წმინდა და ბავშვური გრძნობები ჩანახატის მეორე ეპიზოდში ლტოლვასა და სიყვრულისკენ მიმავალ უკიდეგანო სივრცეში გადაიზარდა.აქ პერსონაჟები პირველ ნაბიჯებს დგამენ ხელოვნებაში , რომელსაც სიყავრული ჰქვია. ერთმანეთზე უწყვეტი ჯაჭვით გადაბმული მეორე და მესამე ეპიზოდი მეტყველებს,რომ ამ ორმა ადამიანმა ერთმანეთი აღმოაჩინეს…ბედნიერების წამები მათთვის ხანგრძლივი აღმოჩნდა, მეოთხე ეპიზოდში ჩვენი პერსონაჟები მოხუცდნენ, მაგრამ მათ კვლავ ძველებურად უყვართ ერთმანეთი და მათ გრძნობებს ვერც ვერაფერი გაანელებს, ვერც ვერაფერი აღუდგება წინ , ვერაფერი ! გარდა სიკვდილისა.ოო,ეს მოუშორებელი სენი, რომელიც საუკუნეების და ათასწლეულების მანძილზე დაუმარცხებელ მოვლენად ექცა ადამიანს.ნეტავ მართლაც სენი იყოს სიკვდილი, მის დამარცხებას აუცილებლად შევძლებდით და მაშინ სიკვდილი ქვეყნად ვეღარასდროს გაბატონდებოდა.

ჯერ მხოლოდ ერთ მათგანს მოერია ცხოვრების სასტიკი რეალობა და მხოლოდ ერთი პერსონაჟი წაგვართვა დრომ.
მარტოდ დარჩენილ ჩემს სასაფლაოს
როცა დაათოვს ცივი ფიფქები.
შენ მაშინ მოხვალ; ჰო, მაშინ მოხვალ,
მაგრამ ამ ქვეყნად აღარ ვიქნები!

დეპრესია,, სიცარიელე, შინაგანი უსამართლობის შეგრძნება , არაადამიანური ,დაუცხრომელი,ენითაღუწერელი ტკივილი და ხშირად ფატალური შედეგები ვიბადებით,გვიყვარდება,ვკვდებით!!! ps:(მარტივი წრებრუნვის თეორიაა)

ნია ჭუმბურიძე(anoonymouss)